Эрон Форс кўрфазида навбатдаги кемани қўлга олди

Эрон чегарачилари Форс кўрфазида ёнилғи контрабандасида гумон қилинган, бортида 12 та филиппинлик бўлган кемани қўлга олишди. Бу ҳақида шанба куни Хормозган вилояти ҳарбий-денгиз кучлари қўмондони Хосейн Деҳки маълум қилди, дея  Reuters агентлиги хабарига таяниб, “Таржумон.уз” ёзмоқда.

«Амалиёт давомида чет эл кемаси қўлга олинди. Унда 283,900 литр контрабанда ёқилғиси топилди», – дея Деҳкининг сўзларини IRIB Broadcasting Corporation келтирди. Унга кўра, «кемада 12 Филиппин фуқароси бўлган.»

Эслатиб ўтамиз, 3 сентябрь куни Эрон чегарачилари Уммон кўрфазида еттита балиқ овлаш кемасини қўлга олишган эди. Экипажи 24 нафар чет эллик бўлган кема Эрон қуролли кучларининг элита бўлинмалари томонидан балиқ овлаш учун қирғоқдан рухсат этилган масофага риоя қилмагани учун ушланганди.

Маълумот ўрнида айтиб ўтиш жоизки, 19 июль куни IRNAнинг хабар беришича, Британия байроғи остида сузиб юрган Steno Impero танкери Ҳормуз бўғозида автоматик танитиш тизимининг қабул қилувчисини ўчириб қўйгандан сўнг қўлга олинган ва огоҳлантиришларга жавоб бермаган эди. Маълумотларга кўра, танкер «халқаро қоидаларни бузганлиги учун» ҳибсга олинган ва текшириш учун қирғоққа олиб борилган. Компания раҳбари, танкернинг эгаси Эрик Хонеллнинг айтишича, гуруҳ Ҳиндистон, Литва, Россия ва Филиппиндан келган 23 кишидан иборат бўлган.

Бўлишинг:

Муҳаррир танлови

Ўзбекистон энг ифлос ҳавоси бўлган мамлакатлар қаторига кирди

«AirVisual» ҳаво сифати мониторинги билан шуғулланувчи халқаро ташкилот 2018 йилда энг ифлос ҳавога эга мамлакатлар рўйхатини эълон қилди. Бу ҳақда «Дарё» нашри ёзмоқда. ...

Глобал рақобатбардошлик рейтингига ўзбекистон яна кирмади

Халқаро иқтисодий форум (WEF) 15 октябрда янги рақобатбардошлик индексини эълон қилди. 140 миллат рақобатбардошлигини ўлчаган рейтингга Ўзбекистон яна кирмади, дея ёзмоқда  ...

Ўзбекистон украинага картошка экспорт қилишни бошлади

Ўзбекистон Украинага эртапишар картошканинг улгуржи партияларини экспорт қила бошлади. Бу ҳақда EastFruit портали маълумотига асосланиб “Кун.уз” ёзмоқда. Ушбу маҳсулотнинг ...