Бошқа мавзулар
Исроил мудофаа вазирлиги «Офек-10» разведкачи сунъий йўлдошни орбитага олиб чиқди, дея хабар бермоқда Jerusalem Post нашри.
«Офек-10» Тель-Авивдан жанубда жойлашган «Пальмахим» ҳарбий-ҳаво базасидан «Шавит» ташувчи-ракетаси орқали учирилган.
Сунъий йўлдош учирилганидан кўп ўтмай белгиланган орбитага чиққан. Энди унинг асосий тизимларининг ишлашини текшириш учун бир қатор тестлар ўтказилади.
Исроил Мудофаа вазирлигининг фикрича, ушбу дастур мамлакатнинг стратегик имкониятларини сезиларли даражада модернизация қилиш имконини беради.
Исроил ўзи мустақил равишда сунъий йўлдошларни ишлаб чиқиб, уларни учириш имкониятига эга жаҳондаги 12 мамлакатдан бири ҳисобланади.
