Бошқа мавзуларЎзбекистонда 2030 йилда сигирлардан сут соғиб олишни ўртача 60% га ошириш режалаштирилмоқда. Бу ҳақда Қишлоқ хўжалиги вазирлиги томонидан “Ўзбекистонда қишлоқ хўжалигини ривожлантиришнинг 2020-2030 йилларга мўлжалланган стратегияси” лойиҳасида айтилмоқда.
2018 йилда сигирлардан сут соғиб олиш ҳажми 2,3 тоннани ташкил қилмоқда. Келаси йилда бу кўрсаткични 2,8 тоннага етказиш мўлжалланмоқда. Ҳужжатга кўра, 2030 йилда ҳар бир сигирдан ўртача 3,7 тонна сут олиш режа қилинган.
Бунинг учун ем-ҳашак экинлари экиладиган майдонларни кенгайтириш икки бараварга оширилади. Айни вақтда умумий экин майдонларининг 7% ем-ҳашак экиш учун фойдаланилмоқда.
2030 йилда озиқ-овқат етишмовчилигига дучор бўладиган одам қолмайди. Бугунги кунда Ўзбекистонда қарийб 2 миллион киши тўйиб овқатланмайди.
