Бухоролик тадбиркор Раҳим Ходжаев қамоқхонасида вафот этгани ҳақида “Мулкдор”га хат орқали маълум қилишмоқда. Манбанинг айтишича очлик эълон қилган тадбиркор очликка чидай олмай вафот этган. Бироқ буни қамоқхона маъмурияти яширмоқда, дейилади хатда.
Бундан аввал, фейсбук фойдаланувчиси Хайрулла Бозоров тадбиркор Раҳим Ходжаевни ноҳақлик оқибатида ўз жонига қасд қилиш учун, очлик эълон қилганини билдирган эди.
Раҳим Хўжаев ўзининг қамалишида ва хусусий мулкини тортиб олинишида Бухоро ҳокими Ўктам Барноев бош айбдор эканини айтган. “Бу қандай кўргулик. 2-гуруҳ ногирони Раҳим Ходжаевни, пенсия ёшидаги инсонни шунча милиция қўриқлаб бориши шартми? Лекин, исботланмаган 168-модда билан айбланмоқда,” деб Хайрулла Бозоров ёзган эди.
ИИВ вакили очлик эълон қилган, овқатланишдан бош тортган маҳбусга мажбуран овқатлантириш тартиби моддалар билан киргизилганини айтган эди.