Чимкентда ўзбек талабалари калтакланди

Ўзбекистоннинг Қозоғистондаги элчихонаси ва Олмаотадаги Бош консулхонаси (Чимкент шаҳри унинг консуллик округига киради) Чимкентда таҳсил олаётган ўзбекистонлик талабаларнинг маҳаллий ёшлар томонидан калтакланиши ҳолати бўйича вазиятни назоратга олди. Бу ҳақда ТИВ матбуот хизмати хабар қилди.

Қайд этилишича, 21 сентябрь куни Чимкентдаги Минтақавий ижтимоий-инновацион университетда Ўзбекистон элчиси Саидикром Ниязходжаев, Чимкент ҳокимлиги вакиллари, университет ректори Сандибай Боранбаев ва бошқалар иштирокида йиғилиш бўлиб ўтди. Унда Чимкентда таълим олаётган Ўзбекистон фуқароларининг хавфсизлигини таъминлаш, қоидабузарларга қонуний чоралар кўриш ва келажакда нохуш ҳодисаларнинг олдини олиш учун зарур профилактика тадбирларини ўтказиш борасида кўриладиган чоралар муҳокама қилинди.

Айни вақтда ТИВнинг топшириғига биноан Бош консулхона вакиллари шаҳарда бўлиб турибди, ҳудуд ва университет раҳбариятлари, ўзбекистонлик талабалар билан алоқа ўрнатилган.

«Барча мавжуд муаммолар Чимкент шаҳри маҳаллий ҳокимияти билан биргаликда ҳал қилинади. Маҳаллий ҳокимият дипломатик ваколатхона фаолиятига ҳар томонлама ёрдам кўрсатмоқда», дейилади хабарда.

Аввалроқ Чимкентда таҳсил олаётган талабаларнинг мурожаати ижтимоий тармоқларда тарқалди. Мурожаатда айтилишича, ўзбекистонлик талабалар турли байрамларда, ҳатто дўконга чиққанда ҳам ўлдириш билан таҳдид қилинмоқда ва калтакланмоқда. Таъкидланишича, Минтақавий ижтимоий-инновацион университетда 400 нафарга яқин ўзбекистонлик талаба таълим олмоқда.

Бўлишинг:

Муҳаррир танлови

Херсон ва запорожьеда россия паспорти берилаётгани маълум бўлди

Украинанинг Запорожье вилояти ва Херсон шаҳрининг босиб олинган ҳудудларида фуқароларга 11-июндан бошлаб Россия паспорти берила бошланди. Бу ҳақда Кремл тайинланган маҳаллий ...

Андижонда 15 яшар қиз ҳомиладор бўлди. қизларнинг бокиралиги текширилмоқда

Андижондаги 6-мактабда 9- синф ўқувчисининг ҳомиладор бўлиб қолиши ортидан шаҳар мактабларида қизларнинг бокиралигини текшириш кучайди. Бу ҳақда шу мактаб ўқитувчилари ва ...

Kun.uz: ҳоким мактаб директорларини урди

Kun.uz таҳририятига Сирдарё вилоятининг Сайхунобод туманида август ойи охирида рўй берган ҳодиса видеоси юборилди. (more…)