Бошқа мавзуларТошкент вилоятининг Қибрай туманидаги боғдорчилик-узумчилик ширкатига қарашли ҳудудда қуруқ ўт ёниши оқибатида бир киши ҳалок бўлди. Бу ҳақда Давлат ёнғин хавфсизлиги хизмати хабар бермоқда.
Ҳодиса 22 сентябрь куни юз берган. Соат 13:12 да Салар шаҳарчаси «Тинчлик» маҳалласида жойлашган ширкатда ёнғин бўлаётгани ҳақида хабар келиб тушган. Ёнғин оқибатида 60 квадрат метр майдонда қуруқ ўт ёнган.
Ёнғинни бартараф этиш вақтида 1944 йилда туғилган фуқаро Б.А.нинг куйган ҳолдаги жасади топилган. Ёнғин сабаби ва моддий зарари аниқланмоқда, терговга қадар текшириш ишлари олиб борилмоқда.
