Афғонистон аҳолисининг 25 фоизи ишсизликдан азият чекмоқда

Афғонистон миллий ишчилар уюшмаси ходимларининг таъкидлашича, ўтказилган тадқиқотга кўра, ишга лаёқатли бўлган аҳолининг 25 фоизи ишсизликдан азият чекмоқда. Бу ҳақда “Таржумон.уз” ёзмоқда.

Ишсизларнинг кўплиги туфайли мамлакат аҳолисининг 55% дан кўпроғи қашшоқлик остида яшайди.

Афғонистон Миллий ишчилар уюшмаси раҳбари Маъруф Қодири баёнот беришича, улар томонидан ўтказилган тадқиоқтларга кўра, мамлакатдаги меҳнатга лаёқатли аҳолининг қарийб 25 фоизи ишсиз.

Унинг қўшимча қилишича, бугунги кунда мамлакатда 15 миллиондан ортиқ киши иш билан таъминланган ва ишчиларнинг аксарияти ўз-ўзини иш билан таъминлайди ва иқтисодиётнинг норасмий қисмида иш ўринлари яратмоқда.

Бироқ, иш билан таъминланган аҳоли меҳнат кафолатларига эга эмас ва аксарият ҳолларда иш берувчилар меҳнат бозорида ўз мавқеидан фойдаланиб, ишчиларнинг иш ҳақини кам баҳолайдилар ва уларнинг ҳуқуқларини поймол этадилар.

Меҳнаткашлар уюшмасида айтилишича, президент сайловлари билан боғлиқ ҳарбий ҳаракатларнинг кучайиши, тегишли меҳнат тизимининг йўқлиги ва инқироз ишсизлик сабабларини келтириб чиқармоқда.

Кўплаб йирик афғон тадбиркорлари кафолатлар йўқлиги, қуролли талон-тарожлар, болаларни ва бизнесга яқин кишиларни ўғирлаш ҳолатлари мавжудлиги оқибатида, ўз мамлакатларига сармоя киритмайдилар ҳамда ҳаётлари ва мол-мулкларидан хавсирайдилар.

Минглаб афғонларнинг хорижда катта сармоялари бор ва улар йирик компанияларнинг эгаларидир, аммо ишончсизлик туфайли улар Афғонистон иқтисодиётига сармоя киритишга жазм этмайдилар.

Ҳар йили 500 мингга яқин ёшлар Афғонистоннинг меҳнат бозорини тўлдирадилар.

Жаҳон банкининг статистик маълумотларига кўра, Афғонистонда ҳар йили ишчи кучининг ўсиши 500-700 минг кишини ташкил этади, аммо ҳамма ҳам иш топа олмайди.

Ёшларнинг Афғонистондан Европа мамлакатларига кўчиб кетишининг асосий сабабларидан бири ҳам иш ўринларининг етишмаслиги ҳисобланади.

Бошқа бир тадқиқот шуни кўрсатадики, Афғонистондаги ёшларнинг асосий муаммоси ишсизликдир ва минглаб ишсиз ёшлар экстремистик гуруҳларга ишсизлик туфайли қўшилишмоқда.

Бўлишинг:

Муҳаррир танлови

“ҳаракат” агентлиги иддаосига  муносабат!

Ассалому алайкум,  муҳтарам ижодий жамоа! Сизнинг электрон саҳифангизда шу йил 18 май куни берилган  матнни анча қизиқиш ва эътибор билан ўқиб чиқдим! (more…)

Жанубий африкадаги руҳоний «ўлик»ларни «тирилтиргани» учун суд қилинади

Жанубий Африкадаги бир нечта дафн маросимларини ўтказиш бюролари ўзини ўликни тирилтирганлик ва «пайғамбарлик»да даъво қилаётган пасторни судга бермоқчи. Бу ҳақда «ББС»га ...

Президент шавкат мирзиёев бош прокурорга жиддий топшириқ берди. қишлоқ хўжалиги бўйича текшириш ўтказилади

Ўзбекистон Республикаси президенти 2018 йил 29 октябрь куни барча даражадаги давлат ҳокимияти органлари раҳбарларининг мажбурий меҳнатнинг ҳар қандай шакл ва кўринишларига ...