Ўзбекистон Республикаси Вазирлар Маҳкамасининг 2019 йил 21 сентябрдаги 793-сонли қарорига кўра 2020 йилнинг 1 мартидан бошлаб барча автомобилларга ёнилғи қуйиш шахобчаларида 24 соат ишлайдиган ҳожатхоналар бўлиши шарт.
Шунингдек, автомобилларга нефт-газ маҳсулотлари қуйиш шахобчаларида кичик савдо дўконлари ва овқатланиш масканлари, ичимлик суви тармоғи, дам олиш ва кутиш хоналари, бундан ташқари, wi-fi зоналар ҳам ташкил қилиш тавсия этилади.
Айни пайтда Ўзбекистонда 4 мингга яқин автомобилларга турли турдаги ёнилғи қуйиш пунктлари фаолият юритади. Ҳозирча уларнинг фақат 20%ида ҳожатхоналар ва юқорида қайд этилган санитария нормаларига мос шароитлар мавжуд.
Вазирлар Маҳкамасининг мазкур қарорига асосан маҳаллий аҳоли ва туристларга бир қатор қулайликлар яратиш мақсадида янгиланган талаблар маълум қилинган.