Шуҳрат Ғаниев одамларни суд ҳукмисиз 5 суткадан қамашни буюрди

Фарғона вилояти ҳокими Шуҳрат Ғаниев одамларни 5 суткадан қамашни буюргани, учта фирмага 300 миллион сўмдан жарима солишни буюрганини тан олди.


Фарғона вилояти ҳокими Шуҳрат Ғаниев ўтган ҳафта бошида ўтган селектор йиғилишида сўзлаган нутқининг аудио ёзуви жамоатчиликка ошкор бўлди. Ҳоким селектор йиғилишида Риштонда голограммасиз диний китоб сотаётган қўлга тушганларни 5 суткадан қамашни буюрган. Шунингдек, у ҳоким орқали судяларга ҳам топшириқ берган:

“Ички ишлар ва судяларни ҳам чақириб, ҳурматли ҳоким. Маҳалла фуқаролар раисини ҳам беш суткага жарима қилиб қамайсизлар. Бунақа маҳалла раиси ҳам керакмас, поспони ҳам керакмас. Риштоннинг хотин-қизлар қўмитасини ишдан олиб ташланглар”, дейди ҳоким.

Ҳоким рекламаларни танқид қилиш асносида учта реклама фирмасига 300 миллиондан жарима солдирганини айтган:

“Ҳозир уччовини чақирасан-да, тушунтириш хати олиб, уччала ташкилот ҳар бири 300 миллиондан 900 миллион сўм жарима соласан. Қонуний жарима соласан”, дейди вилоят ҳокими.

Аммо бу ўринда жарима солинишида суд ҳукми бор бўлиши кераклигини тилга олмаган.

Ўзбекистон Республикаси конституциясининг 19-моддасида “Фуқароларнинг Конституция ва қонунларда мустаҳкамлаб қўйилган ҳуқуқ ва эркинликлари дахлсиздир, улардан суд қарорисиз маҳрум этишга ёки уларни чеклаб қўйишга ҳеч ким ҳақли эмас”, деб алоҳида белгилаб қўйилган.

Шунингдек, бош қонуннинг 106-моддасида “Ўзбекистон Республикасида суд ҳокимияти қонун чиқарувчи ва ижро этувчи ҳокимиятлардан, сиёсий партиялардан, бошқа жамоат бирлашмаларидан мустақил ҳолда иш юритади”, деб кўрсатилган.

Бўлишинг:

Муҳаррир танлови

Ҳам пул тўлаб, ҳам писиб савдо қилиш керакми?

Янгийўлдан келган видео 0:01:27 0:01:24/0:01:27 ▶ Бевосита линк ​"Хуллас, Янгийўл бозори қўриқлаш хизматига берилган. Бу ўтирган аёллар бозорга патта тўлаб, шу бозор ...

Давлат қачон ер участкасини олиб қўйиши мумкин?

Ер участкасини олиб қўйиш тўғрисидаги қарорлар фақат қуйидаги мақсадларда қабул қилинади: 👉 мудофаа ва давлат хавфсизлиги, муҳофаза этиладиган табиий ҳудудлар ...

Дин ва эътиқод эркинлиги бўйича махсус маърузачининг дастлабки хулосалари эълон қилинди

12 октябрь куни БМТ Инсон ҳуқуқлари бўйича кенгашининг Дин ва эътиқод эркинлиги бўйича махсус маърузачиси Аҳмад Шаҳид Ўзбекистон Республикасига амалга оширган ташрифи ...