“Саланг улгуржи-чакана савдо бозори”(Қўқон Оптом бозори)да соқол ва хижоб учун очиқ кураш бошланди. Бу ҳақда фейсбук фойдаланувчиларидан бири ўз саҳифасида ёзмоқда.
Унинг ёзишича, бир гуруҳ ўзини бозор ходимимиз деб таништирган, лекин аввалдан бозорда ишламаган шахслар, ҳар бир дўконга кириб, соқол ва ҳижоб билан савдога чиқмасликни талаб этмоқда.
Ўз ҳуқуқини талаб қилган, “соқол ва ҳижобни қонуний жиҳатдан тақиқланмаган”ини айтган сотувчиларга тегишли бўлган дўконларнинг ҳужжати қаттиқ текширилмоқда ва бозор маъмурияти тарафидан соҳта айбловлар билан дўконлари мухрланмоқда.
Бозорда ҳижобли аёлнинг бош маникени, соқолли маникенлардан фойдаланиш таъқиқланган.
Бозордаги барча ҳижоб сотадиган дўконлардан ҳижобни савдодан олиши талаб қилинган. Бўйсунмаган 2 дўкон шу куниёқ мухрланган.
Бозорга чиқадиган аёллардан ҳижобда савдога чиқмаслик талаб қилинган. Агар хоҳлашса бозорга чиқмасликлари, бозор давлатнинг мулки эканлиги айтилган.
Ҳозирда бозорда 10га яқин дўкон мухрланган.
Бозордаги харакатлар тахминан бир ҳафта аввал бошланган.