Андижонда туғилган кунда 26 киши заҳарланди

8 октябрь куни соат 20:30 да Андижон туман юқумли касалликлар шифохонасига 4 нафар фуқаро кўнгил айниши, қайт қилиш, бош оғриши, умумий ҳолсизланиш, ич кетиши, ошқозон соҳасидаги оғриқ, тана ҳароратининг кўтарилиши каби шикоятлар билан мурожаат қилган. Бу ҳақда Соғлиқни сақлаш вазирлиги ҳузуридаги Санитария-эпидемиологик осойишталик агентлиги хабар берди. 

Сўнгра соат 24:00 га қадар фаол аниқлаш йўли билан 23 нафари «овқат токсикоинфекцияси» бирламчи ташхиси билан шифохонага ётқизилган.

 Уларнинг 24 нафари Андижон туманининг 35-мактаб ўқувчилари, 1 нафар синф раҳбари, 1 нафар мактаб ўқувчисининг онаси, яъни туғилган кун муносабати билан торт тайёрлаб олиб борган фуқаронинг ўзи ҳам заҳарланган.

 Шунингдек, 1 нафар шу синфнинг ўқувчиси уйда тарбияланаётган кичик ёшдаги синглисига ўша торт бўлагидан берганлиги натижасида унда ҳам заҳарланиш қайд этилган.

 Ҳолат юзасидан ўрганиш ишларини олиб бориш учун воқеа жойига вилоят Соғлиқни сақлаш бошқармаси, вилоят санитария-эпидемиология осойишталиги маркази, вилоят Давлат санитария-эпидемиология назорати инспекцияси мутахассислари жалб этилди. Барча беморлардан олинган таҳлил намуналари вилоят СЭОМ лабораториясида ўрганилмоқда. Ҳозирда шифохонада 12 нафар бемор даволаняпти, 15 нафари аҳволи яхшилангани учун уйига рухсат берилган.

 Беморларнинг аҳволи, лаборатория таҳлил натижалари, якуний ташхис ҳамда ўтказилган профилактик ва эпидемияга қарши тадбирлар тўғрисида қўшимча ахборот тақдим этилади.

 Бироз аввал Соғлиқни сақлаш вазирлиги Самарқандда 26 киши хот-догдан заҳарланганини маълум қилганди.

Бўлишинг:

Муҳаррир танлови

Москвада ўзбекистонлик талаба мажбуран реанимацияга ётқизилган

Россия Халқлар дўстлиги университети қошидаги Тиббиёт институтининг ўзбекистонлик  талабаси Ўлмасхон Баҳронов 27 август куни Москвадаги 67-сонли касалхонада мажбуран ...

“саҳналаштирилган қабул” ёки бандлик ва меҳнат муносабатлари вазири фарғона вилоятига нега келганди?

  Ишим шунақа. Доимо одамлар орасида юраман. Халқ гўё миқёси амал. Ким нима дейди, нима қилади... барчаси адолат тарозисида. Фарғонага “Тошконди азим”дан кўп ва хўп ...

Ўзбекистонда 1 августдан иш ҳақи, пенсия, стипендия ва нафақалар миқдори оширилади

12 июль куни Ўзбекистон президенти Шавкат Мирзиёев иш ҳақи, пенсиялар, стипендиялар ҳамда нафақалар миқдори оширилиши тўғрисидаги фармонини имзолади. Бу ҳақда “Соф.уз” сайти ...