Дубайнинг тахт вориси ов учун Ўзбекистонга қанча тўлайди? 

Дубай амирлигининг тахт вориси Шайх Ҳамдан ибн Муҳаммад Ал-Мактум ов қилиш учун Ўзбекистонга келганини эшитмаган одам  қолмаган бўлса керак.

ЎзА тарқатган маълумотга кўра, Шаҳзода Ҳамдан ибн Муҳаммад лочинлари билан Навоий вилояти ҳудудида тувалоқларни овлади. Лекин ижтимоий тармоқларда тарқалган видеолардан кўриш мумкинки, чўл ҳудудидаги ноёб қушлар ҳам лочиннинг ўлжасига айланган. Аслида, тувалоқларнинг сониям ошиб-тошиб кетгани йўқ. “Қизил китоб”га киритилган.  

Аммо Экология қўмитаси ҳам, Экопартия ҳам бу ҳақда ҳали лол-мим дегани йўқ. ЎзА бўлса, ҳар доимгидай ҳудудда туризмини ривожлантириш,  инвесторларни жалб қилиш, “Амирликларнинг йўрға тувалоқни асраш маркази” (АЙТАМ)да ноёб қушларни кўпайтириш юзасидан кенг кўламли ишлар амалга оширилаётгани урғу бермоқда.

Майли, ов туризми ривожлантирилсин. Бунга ҳеч кимга қарши бўлмаса керак. Лекин Дубай амирлигининг тахт вориси ов учун Ўзбекистонга қанча тўлайди?

Қозоғистон ҳукумати БАА ва Қатарнинг тўрт шайхига 2019 йилнинг октябр-ноябрь ойларда лочинлар ёрдамида Қозоғистон қўриқхоналарида ов қилишга рухсат бергани, ҳар бир овланган парранда учун 656 600 тенге ёки 1700 АҚШ доллари пул тўлашини биламиз. Шоҳона ов мавсуми якунидан сўнг Ўзбекистон бюджетига қанча кирим бўлишидан эса бехабармиз.

Ё бу ҳақда халқ билишга ҳақли эмасми?

Манба:Холис фикр

Бўлишинг:

Муҳаррир танлови

Раймонд вейонис европани «россия агрессияси»га қарши бирлашишга чақирди

Латвия президенти Раймонд Вейонис Германиядаги Spiegel нашрига берган интервьюсида Европа мамлакатларини «Россияни тўхтатиш учун» бирлашишга чақирди, деб ёзади “Кун.уз” ...

Москвада ўзбекистонлик талаба мажбуран реанимацияга ётқизилган

Россия Халқлар дўстлиги университети қошидаги Тиббиёт институтининг ўзбекистонлик  талабаси Ўлмасхон Баҳронов 27 август куни Москвадаги 67-сонли касалхонада мажбуран ...

Қаҳрамон шукржонов: “миллий таомлар” динозаврлар каби қирилиб кетадилар”

“Миллий таомлар” феномени ресторан бозорининг келажагини барбод этади, деб ҳисоблайди R-Keeper Uzbekistan бош директори, ресторан ва меҳмонхона бизнесини автоматизациялаш ...