18 октябрь куни соат 06:20да фуқаро С.М. Nexia русумли автомашинани “Навоий-Зарафшон” йўналиши бўйлаб бошқариб кетаётганида, автомашинага ўрнатилган газ баллон портлаб кетган. Бу ҳақда Бош прокуратуранинг жамоатчилик билан алоқалар ва ҳуқуқий ахборот бўлими бошлиғи Ҳаёт Шамсутдинов хабар бермоқда.
Портлаш оқибатида автомашина ҳайдовчиси 1959 йилда туғилган С.М. ва йўловчи 1987 йилда туғилган Р.М. воқеа жойида вафот этишган.
Яна бир йўловчи 1937 йилда туғилган М.Б. оғир тан жароҳати олиб, Конимех тумани шифохонасининг жонлантириш бўлимига жойлаштирилган.
Ҳозирда мазкур ҳолат юзасидан терговга қадар текширув олиб борилмоқда.