Фарҳод Саломов Халқ банкига раис бўлди

Фарҳод Исламович Саломов Акциядорлик тижорат Халқ банки бошқаруви раиси этиб тайинланди. Бу ҳақда “Kun.uz” хабар бермоқда.

У бу лавозимда бироз аввалроқ «Микрокредитбанк» раҳбарлигига ўтган Муродилла Эшматов ўрнини эгаллади.

Фарҳод Саломов 1979 йилда Самарқанд вилоятида туғилган. 2001 йилда Жаҳон иқтисодиёти ва дипломатия университетини, 2005 йилда АҚШдаги Колорадо техника университетини тамомлаган.

«Халқаро иқтисодий муносабатлар» ва «Бизнес бошқаруви» бўйича мутахассис бўлган Фарҳод Саломов 2001 йилдан банк тизимида фаолият кўрсата бошлаган.

Саломов АҚШнинг У.С. банкида директор ўринбосари бўлиб фаолият юритган. У 2012, 2013, 2014 йилларда банк мукофотлари билан тақдирланган. 2009 йилда эса фаолиятига инновацион тажрибаларни татбиқ этгани учун банкнинг олий мукофотига сазовор бўлган.

Фарҳод Саломов 2018 йил октябридан буён Халқ банки бошқаруви раиси ўринбосари сифатида ишлаб келаётганди.

Бўлишинг:

Муҳаррир танлови

Ўзбеклар бошқа давлатлар аҳолисига қараганда эрта қарияпти

Британиянинг The Lancet илмий журнали турли мамлакатлардаги қариш белгиларининг ўртача ёшига бағишланган тадқиқот натижаларини эълон қилди, деб ёзади “Соф.уз” сайти. ...

Ўзбек депутатлар учун — 150 imac. умумий нархи — камида 232 минг доллар

Ўзбекистон Олий Мажлиси Қонунчилик палатаси учун 150 та Apple iMac 21,5 Retina 4K моноблоклари сотиб олинди. Бу ҳақда Вазирлар Маҳкамасининг 19 декабрдаги қарорида қайд этиб ...

Ўқитувчилар мажбурий меҳнатга жалб этилиши факт. барча сукут сақламоқда

Ўтган ҳафтада Фарғона вилоятидаги ўқитувчилар мажбурий меҳнатга жалб этилаётганини исботловчи аудиоёзув пайдо бўлди. Ушбу аудиоёзув Sof.uz нашри таҳририятига келиб тушган ...