Евроиттифоқ: АҚШнинг ЖССТни молиялаштиришни тўхтатиш тўғрисидаги қарорини оқлаб бўлмайди

ЖССТ Дональд Трампнинг бу қарори туфайли бюджетининг 14 фоизидан ортиғини йўқотиши мумкин.

Коронавирус пандемиясига қарши кураш кетаётган вақтда АҚШнинг Жаҳон соғлиқни сақлаш ташкилотини молиялаштиришни тўхтатиш тўғрисидаги қарорини оқлаб бўлмайди. Бу ҳақда Евроиттифоқ дипломатияси раҳбари Жозеп Боррель айтди.

“АҚШнинг ЖССТни молиялаштиришни тўхтатиш тўғрисидаги қароридан чуқур афсусдаман. Коронавирус пандемиясини жиловлаш ва пасайтиришда ёрдамлашиш учун ҳар қачонгидан ҳам кўпроқ ҳаракат зарур бир пайтда бу қадамни оқлаш учун ҳеч қандай асос йўқ”, – деди у.

Боррель “фақат бирлашибгина чегара билмайдиган бу инқирозни бартараф этишимиз мумкин”, деб таъкидлади.

Аввалроқ АҚШ президенти Дональд Трамп Вашингтон ЖССТ бюджетига бадаллар тўлашни тўхтатаётганини маълум қилганди.

ЖССТ Дональд Трампнинг бу қарори туфайли бюджетининг 14 фоизидан ортиғини йўқотиши мумкинлигини билдирди.

https://kun.uz/news/2020/04/15/yevroittifoq-aqshning-jsstni-moliyalashtirishni-toxtatish-togrisidagi-qarorini-oqlab-bolmaydi

Бўлишинг:

Муҳаррир танлови

Америка: “масхарабоз” ва “маймун”  банкни тунашди

    Масхарабоз ва маймун либосидаги жиноятчилар Америкадаги банклардан бирини тунашди, дея хабар бермоқда Metro. Ҳодиса Ғарбий Виржиниядаги Capon Valley бўлимида содир ...

Украина ҳукумати саакашвили номзодини ислоҳотлар бўйича бош вазир ўринбосарлигига тасдиқламади

Фото: DW Украина Вазирлар маҳкамаси Олий Раданинг Грузия собиқ президент Михаил Саакашвилини ислоҳотлар бўйича бош вазир ўринбосарлигига номзод сифатида берган таклифини рад ...

Россияда мактаб ўқувчилари ўзбекистонликка йўқотган 220 минг рубль пулини топиб беришди

Россиянинг Салехард шаҳрида Ўзбекистон фуқаросига йўқотган пулини топиб беришда ёрдам берган мактаб ўқувчилари тақдирланди. Бу ҳақда Россиянинг Ямал-Ненец автоном округи ИИВБ ...