10-апрель куни Германиянинг бир қанча шаҳарларида Россия тарафдорларининг митинглари бўлиб ўтди. Ганновер ва Франкфуртда уларнинг сони бир неча юз кишига етди.
Улар «адоватни қўзғатиш»га чек қўйиш ва русийзабонларни «ажратиб қўйиш»ни тўхтатишга чақирдилар.
Намойишчилар Россия ва Германия байроқларини кўтариб туришди. Аввалроқ намойишчиларга “V” ёки “Z” белгиларини ёзиш тақиқланган эди.
Россияпараст намойишчилар Украинадаги урушга қарши тўпланган намойишчилар билан тўқнашиб кетишди.
Германияда рус миллатига мансуб 1,2 миллион киши истиқомат қилади. Шунингдек украиналикларнинг сони 325 мингга яқин.