Яқиндагина ижтимоий тармоқларнинг ӯзбек сегментида Туркманистонда ун тақчил, аҳоли ун учун турнақатор навбат кутишга мажбур бӯлмоқда, деб аюҳаннос солишганди.
Бу етмагандек, Арқадоғ ундоқ, Арқадоғ бундоқ деб, туркман президентининг устидан кулишганди ҳам. Гӯё ӯзбек президенти ҳамма нарсани қойиллатиб қӯяётгандек.
Кулма бировга келар бошингга дегани шу бӯлса керак, бугун ун тақчиллиги Ӯзбекистонда ҳам муаммога айлангани юзага чиқди.
Ижтимоий тармоқларда тарқатилган хабарга кӯра, Самарқанд вилояти Ургут туманида ва чекка қишлоқларида айни пайтда киши бошига бир ойга 1,5 кг.дан ун сотилаётгани айтилмоқда.
Боз устига ун савдосида авжига чиққан талашиш-тортишиш, ур-йиқитлар карантин қоидалари қӯпол равишда бузилишига олиб келган.
Қишлоқ аҳолисининг асосий егулиги нон бӯлгандан кейин 1 ойга киши бошига 1,5 кг дан ун сотиши нимаси? Ҳатто аҳолига ун сотиш ҳам тӯғри ташкиллаштирилмаган. Ун савдоси туфайли одамлар бир жойга тӯпланишга мажбур бӯлмоқда.
Қишлоқ аҳли деҳқончилик билан шуғуллансинми, ё эрталабдан кечгача ун олиш учун навбат кутиб кунини ӯтказсинми? Қани, ҳамма нарса халқ манфаати учун қилинаётгани, дея арз қилмоқда ургутлик маҳаллий блогерлардан бири куйинчаклик билан. https://m.facebook.com/story.php?story_fbid=1095994370769181&id=100010758840853
Илоҳим коронавирус пандемияси тезроқ даф бӯлсин. Акс ҳолда ташкилотчиликда ҳаминқадар, мақтанишда устасифаранг бу ҳукумат озиқ-овқат учун қӯшнини қӯшнининг ёқасига ёпиштириб, бундан жарима ундиришга тушиб қолиши эҳтимолдан холи эмас.
Рӯзибой Азимий