Dalani payhon qilgan qo’ylar voqeasining «qahramoni» hokim o’rinbosari etib tayinlandi

Vazirlar Mahkamasi huzuridagi Agrosanoat majmui ustidan nazorat qilish inspeksiyasining Qashqadaryo viloyat boshqarmasi boshlig’i lavozimida ishlab kelgan Akrom Aripov Qarshi tuman hokimiga o’rinbosar bo’ldi. Bu haqda «Daryo»ga viloyat hokimligi axborot xizmati ma`lum qilmoqda.

Aytilishicha, Akrom Aripovning o’rniga boshqarmaga Fayzulla G’ulomov rahbar etib tayinlangan. G’ulomovning ushbu lavozimga tayinlanishi xalq deputatlari viloyat kengashining VI chaqiriq to’rtinchi sessiyasida ma`lum qilingan.

Ta`kidlanishicha, ayni paytga qadar «Qashqadaryo agroservis MTP» mas`uliyati cheklangan jamiyati direktori vazifasida ishlab kelgan Fayzulla G’ulomov viloyat kengashi deputatligidan voz kechib, Agroinspeksiya boshlig’i lavozimini egallagan.

Eslatib o’tamiz, joriy yil boshida ijtimoiy tarmoqlarda tarqalgan videoda chiqish qilgan Akrom Aripov Nishon tumanida o’zgalar mulki bo’lgan qo’ylarni Qashqadaryo hokimi topshirig’iga ko’ra so’yib, kam ta`minlangan fuqarolar va ustalarga tarqatayotganini aytgandi. Viloyat hokimligi esa mazkur holatni inkor qilgandi.

Oradan vaqt o’tib, Prokuratura aybdorlar jazolanishini ham ma`lum qilgandi.

Mavzuga doir: Nishon tumanidagi dalani payxon qilgan qo’ylar voqeasi bo’yicha aybdorlar jazolandi

Бўлишинг:

Муҳаррир танлови

Солиқ қўмита, бунча қўрқитаверасан?

Давлат солиқ қўмитаси блогерларнинг Telegram, Instagram, Facebook ва бошқа ижтимоий тармоқларда реклама жойлаб, шу йўл билан даромад орттиришига «ноқонуний фаолият» дея ...

Олламурод исақулов: “ўзимизга хос, ўзимизга мос” йўлдан воз кечиш керак!

Кейинги пайтларда Facebook ижтимоий тармоғи орқали жамиятимиздаги долзарб муаммоларга, рўй бераётган воқеа-ҳодисаларга доир фикр-мулоҳазалар, таклиф ва муносабатлар кам ...

«нуроний» жамғармаси раиси ўринбосари «ўзбекэнерго» раҳбариятини тизимни ўғрилардан тозалашга чақирди

«Нуроний» жамғармаси Республика бошқаруви раиси ўринбосари Шароф Убайдуллаевнинг фикрича, энг аввало «Ўзбекэнерго» тизимини нопок ходимлардан тозалаш зарур. Ана ўшандагина ...