Пандемия сабабли Афғонистон ҳукумати 12 мингдан ортиқ маҳбусни озодликка чиқаради

Пандемия сабабли Афғонистон ҳукумати 12 мингдан ортиқ маҳбусни озодликка чиқаради
Фото: Xinhua
Қамоқхоналар ишлари бўйича ҳукумат департаменти бошлиғи Аҳмад Рашид Тутаҳайнинг сўзларига кўра, маҳбусларни озод қилиш жараёни май ойи бошида бошланади.

Афғонистон ҳукумати коронавирус тарқалишининг олдини олиш мақсадида мамлакат қамоқхоналаридаги 12 мингдан ортиқ маҳбусни озодликка чиқариш тўғрисида қарор қабул қилди. Бу ҳақда The Khaama Press агентлиги хабар берди.

Қамоқхоналар ишлари бўйича ҳукумат департаменти бошлиғи Аҳмад Рашид Тутаҳайнинг сўзларига кўра, “мамлакат президенти Ашраф Ғанининг қарори билан 12 399 нафар маҳбус озодликка чиқарилади.

Унинг қўшимча қилишича, маҳбусларни озод қилиш жараёни май ойи бошида бошланади.
Афғонистон президенти 26 март куни маҳаллий қамоқхоналарда коронавирус тарқалиши хавфи боис 10 мингга яқин маҳбусни амнистия қилиш тўғрисида фармон чиқарганди. Ҳужжатга мувофиқ, шу кунга қадар 6 минг нафар маҳбус озодликка чиқарилган.

Афғонистон соғлиқни сақлаш вазирлигининг маълумот беришича, мамлакатда коронавирусга чалинганлар сони 1,5 мингга яқин бўлиб, 50га яқин киши вафот этган.

Бўлишинг:

Муҳаррир танлови

Фарҳод маҳмудов президент администрацияси раҳбарига ўринбосар бўлди

Президент маслаҳатчиси ўринбосари Фарҳод Маҳмудов Президент администрацияси раҳбарига ўринбосар этиб тайинланди. Бу ҳақда Kun.uz  хабар бермоқда.  У энди Зайнилобиддин ...

Мендан жиноятчи ясаш кимга керак?

Маълумки, 8, 9-январь кунлари ўз ҳақ-ҳуқуқларини ҳимоя қилиб, ўзларига ўтказилаётган ҳар хил босимлар бўйича Президентга арз қилиш истагида Ўзбекистон Республикаси Президенти ...

Ўзбекистон автомобиль саноатида монополияни қандай йўқотиш мумкин? 

Иқтисодчи Юлий Юсупов Ўзбекистонда автомобиллар ишлаб чиқариш бўйича янги корхоналарни ташкил этиш юзасидан ўз фикрини билдирди, деб ёзади “Кун.уз” сайти. «Ростини айтганда, ...