Украина ҳукумати Саакашвили номзодини ислоҳотлар бўйича бош вазир ўринбосарлигига тасдиқламади

Украина ҳукумати Саакашвили номзодини ислоҳотлар бўйича бош вазир ўринбосарлигига тасдиқламади
Фото: DW
Украина Вазирлар маҳкамаси Олий Раданинг Грузия собиқ президент Михаил Саакашвилини ислоҳотлар бўйича бош вазир ўринбосарлигига номзод сифатида берган таклифини рад қилди. Бу ҳақда «РБК»га таяниб Дарё хабар берди.

Саакашвили номзодининг рад қилингани ҳақида «Цензор.нет» нашри бош муҳаррири Юрий Бутусов маълумот берган. Унинг сўзларига кўра «Халқ хизматчиси» фракцияси Саакашвили номзодини ушбу лавозимга тавсия этиш учун депутатларнинг етарли даражадаги овозини тўплай олмаган.

«Украинская правда» нашри Саакашвили энди президент Владимир Зеленскийнинг маслаҳатчисига айланиши мумкинлигини ёзмоқда.
22 апрелда Михаил Саакашвили Владимир Зеленскийнинг унга бош вазир ўринбосари лавозимини таклиф қилганини билдирган. Олий Рада ушбу тайинловни 24 апрелда амалга ошириши кутилганди.

Михаил Саакашвили 2015 – 2016 йилларда Украинанинг Одесса вилояти маъмуриятини бошқарган. 2017 йилда ўша вақтдаги Украина президенти Пётр Порошенко билан низо туфайли Саакашвили мамлакат фуқаролигидан маҳрум қилинганди. 2019 йилда Владимир Зеленский Украина президентлиги учун сайловларда ғалаба қозонгач, Саакашвилига мамлакат фуқаролиги қайтариб берилди.

Саакашвили Украина ҳукумати

Бўлишинг:

Муҳаррир танлови

“мулкдор”да бугуннинг хабарлари (аудио) 27.11.2017

https://www.youtube.com/watch?v=PkgEgxjxslY

Истанбулда ўзбекистон фуқароси автоҳалокатга учраб вафот этди

11 июнь куни Истанбул шаҳридаги «Haydarpasa Numune Hastanesi» шифохонасида 1994 йилда туғилган Ўзбекистон фуқароси Озод Ражаббоев вафот этди. Бу ҳақда Ўзбекистоннинг ...

Шавкат мирзиёев ва эммануэл макроннинг учрашуви бошланди

Елисей саройида Ўзбекистон Республикаси Президенти Шавкат Мирзиёев ва Франция Республикаси Президенти Эммануэл Макроннинг учрашуви бўлиб ўтмоқда. Бу ҳақда Президент матбуот ...