Саакашвили Украинада ислоҳотлар бўйича ижроия қўмитаси раҳбари этиб тайинланди

Владимир Зеленский Михаил Саакашвилига 2019 йилда Украина фуқаролигини қайтарганди.

Фото: Zuma /ТАСС

Грузиянинг собиқ президенти Михаил Саакашвили Украина президенти ҳузуридаги миллий ислоҳотлар кенгаши таркибига кирувчи ислоҳотлар бўйича ижроия қўмитаси раҳбари этиб тайинланди.

Бу ҳақда Украина президенти Владимир Зеленскийнинг тегишли фармони эълон қилинди.

Internet Invest Group холдинги, Imena.ua ва Mirohost интернет компаниялари президенти Александр Ольшанский Саакашвилининг ўринбосари этиб тайинланди.

22 апрель куни Украина президенти Владимир Зеленский Михаил Саакашвилига бош вазирнинг ислоҳотлар бўйича ўринбосари лавозимини таклиф қилгани маълум бўлди.

Ушбу хабардан сўнг Грузия бош вазири Георгий Гахария агар Михаил Саакашвили Украина бош вазири ўринбосари этиб тайинланадиган бўлса, Киевдаги элчи чақириб олинишини билдирди.

Владимир Зеленский Саакашвилига 2019 йилда Украина фуқаролигини қайтарганди. Унинг фуқаролиги 2017 йилда собиқ президент Петро Порошенко томонидан бекор қилинган.

Сайловолди дастурида ҳам Зеленскийдан Саакашвили борасида фикрларини сўрашганди ва у Грузия собиқ президентини Европада демократияни таъминлаш учун курашган, коррупцияга қарши курашда тажрибаси бор, деб мақтаганди.

 

Бўлишинг:

Муҳаррир танлови

Таълим бериш вазирлигига ўқув китобларини нашр қилиш бўйича яна бир жиноят иши қўзғалди

Таълим бериш вазирлиги китобларни нашр қилишга грантли маблағ бор эканига қарамай, бюжетдан ҳам маблағ олган. Бундан ташқари муаллифларга гонорар деган баҳона билан ...

Россияда владимир путинга “қабр тоши” қўйган яна бир активист ҳибсга олинди

12 март куни Набережние Челни шаҳар суди Владимир Путинга «қабр тоши» қўйилган акцияда иштирок этган фаоллардан яна бир — 32 ёшли Николай Переседовни ҳибсга олди. Бу ҳақда ...