Йўловчилар учун коронавирусга тест топшириш нархи маълум қилинди

Поезд ёки самолёт орқали ҳаракатланишни хоҳлаганларда 120 соатдан, яъни 5 кундан кўп бўлмаган муддат оралиғида коронавирусга тест топширгани ва натижа манфийлигини – вирус йўқлигини тасдиқловчи маълумотнома бўлиши керак.

Фото: Zuma\TАСС

АОКАда ўтказилган онлайн брифингда Санитария-эпидемиология назорати давлат инспекцияси бошлиғи Нурмат Отабеков томонидан маълум қилинишича, тест топшириш нархи 224 минг сўм этиб белгиланган.

«Ўзбекистонда коронавирус учун тест топшириш бепул амалга оширилади. Бироқ авиа ва темирйўллар орқали йўловчиларнинг ҳаракатланиши учун Республика махсус комиссияси томонидан вақтинчалик алоҳида тартиб ишлаб чиқилди.

Унга кўра, поезд ёки самолёт орқали ҳаракатланишни хоҳлаган фуқароларда 120 соатдан, яъни 5 кундан кўп бўлмаган муддат оралиғида коронавирусга тест топширгани ва натижа манфийлигини – вирус йўқлигини тасдиқловчи маълумотнома бўлиши керак», дейди Нурмат Отабеков.

Унинг таъкидлашича, йўловчиларнинг тест топшириш тартиби тўғрисида 16 майда Санитария-эпидемиология осойишталик агентлигининг қарори қабул қилинган.

«Қарорга кўра, тест топшириш нархи 224 минг сўм этиб белгиланган. Тестни республикадаги ОИТСга қарши кураш марказлари ва санитария-эпидимиология осойишталиги марказлари орқали топшириш мумкин», деди у.

Эслатиб ўтамиз,  аввалроқ Ўзбекистонда ҳудудлараро транспорт ҳаракатига 18 май кунидан бошлаб рухсат берилганди ва авиа ва темирйўл рейсларига чиқиш истагида бўлган фуқаролар коронавирус учун тест топшириши лозимлиги маълум қилинган эди.

Бўлишинг:

Муҳаррир танлови

Тошкентдаги турар-жой биносида 4та хонадон балкони ўпирилиб тушди

Бугун, 17 январь куни тахминан соат 18:40да Учтепа туманининг 23 даҳасида 20 сонли уйда 4та хонадон балкони ўпирилиб тушган. ИИББ хабарига кўра, балконлар 5 ва 2 қаватлар ...

Ислом каримов ва гулнора каримова ақш қора рўйхатига киритилди

АҚШ Молия вазирлиги томонидан коррупция ва инсон ҳақларини топтаган шахслар рўйхатига Ўзбекистон марҳум президенти Ислом Каримов ва унинг тўнғич қизи Гулнора Каримова ҳам ...

Ҳарна-да, ҳарна… ёхуд «ишнинг кўзини биладиган одам»

Халқимизда «Ишнинг кўзини биладиган одам» деган гап бор. Менимча, сўнги пайтларда шу ибора ўз ўрнида эмас, балки халқнинг ичида юрган, бировнинг қайғуси ёки ташвиши эвазига ...


Warning: Missing argument 2 for _x(), called in /home/npzfqf3cbnqn/public_html/mulkdor.com/wp-content/themes/mulkdornew/inc/functions/theme_functions.php on line 1213 and defined in /home/npzfqf3cbnqn/public_html/mulkdor.com/wp-includes/l10n.php on line 399

Notice: Undefined variable: context in /home/npzfqf3cbnqn/public_html/mulkdor.com/wp-includes/l10n.php on line 400