АҚШ компанияси коронавирусдан вакцина яратишда муваффақиятга эришганини маълум қилди

Америкалик олимлар коронавирусдан вакцина яратишда муваффақиятга эришганларини маълум қилишди. Уларнинг таъкидлашича, вакцинани яратиш учун қўлланувчи восита синовининг 1-босқичи муваффақиятли ўтган.

Фото: AFP/Getty Images

Гап АҚШнинг Moderna, Inc. биотехнологик компаниясининг mRNA-1273 воситаси ҳақида бормоқда. Бу ҳақда компания матбуот хизмати маълум қилди.

“Moderna коронавирусдан вакцина яратишга мўлжалланган mRNA-1273 тажрибавий восита синовларининг 1-босқичида ижобий оралиқ клиник натижалар олинганини эълон қилди”, дейилган хабарда.

Синовлар АҚШнинг аллергик ва юқумли касалликлар миллий институти раҳнамолигида ўтган.

Тадқиқот турли ёшдаги одамларнинг бир неча гуруҳида ўтказилган. Уларга воситанинг 25, 100 ва 250 микрограммлик дозалари киритилган. Бунда ҳосил бўладиган иммунитетнинг ҳимоялаш даражаси воситанинг дозасига боғлиқлиги аниқланган.

Воситани биринчи қабул қилган иштирокчилар организмида 43-кунда коронавирусдан соғайиб кетганлар организмида бўлган миқдорда вирусга антитаналар ҳосил бўлгани аниқланган.

“mRNA-1273 ўзини хавфсиз ва яхши ўзлаштириладиган восита сифатида кўрсатди”, деб қўшимча қилинган компанияда.

Таъкидланишича, воситанинг ягона иккиламчи таъсири бир аёлда аниқланган. Унда восита киритилган жой атрофида қизариш кузатилган, бироқ у ҳеч қандай тиббий аралашувсиз тезда йўқолиб кетган.

MANBA

Бўлишинг:

Муҳаррир танлови

Муҳожир кундалиги: саробга айланган россия. регистрация, патент…

Ҳозирги кунда инвестиция жалб қилиш давлат сиёсатининг устувор жиҳатларидан биридир. Негаки, иқтисодиётнинг қон-томирлари ҳисобланган молия ресурслари шаклланиши ва ўсиш ...

Бендукидзенинг ислоҳотлари: грузияда нималарни уддасидан чиқди ва украинада нималарни уддасидан чиқолмади

Ҳукумат аппаратини ўзгартириши, хусусийлаштириш, солиқ, меҳнат, тиббий, божхона ҳамда Каха Бендукидзенинг бошқа ислоҳотлари. (more…)

Сурия президенти башар асаднинг аёли асмо асад рак касалига чалинди

Фото:twitter/@Presidency_Sy Дамашқ, 8 август.  Шифокорларнинг айтишича Сурия президенти Башар Асаднинг аёлида Асмо Асадда онкологик касаллик (кўкрак безидаги хавфли ўсма) ...