Мени тожик халқини, миллатини ёмон кӯрадиган, уларнинг ривожланишини кӯролмайдиганлар тоифасига киритиб, миллатчиликда айблаётган қадрли дӯстларим, ассалому алейкум!

Мен миллатчи эмасман, аксинча қадимий ва кӯҳна тамаддун маскани бўлмиш Туронзаминда азалдан бир дарёдан сув ичиб, қӯни-қӯшни, қуда-анда бӯлиб яшаб келаётган, илдизи бақувват, икки тилда сӯзловчи ӯзбек ва тожик халқларининг бугун ҳар қачонгидан кӯра аҳил, иноқ, жипсликда яшаши тарафдориман.

Биз каби азалий қариндошларни гарчи ташқи кучлар ҳар қанча пораканда қилишга уринишса-да, бунинг уддасидан чиқа олмайди, деган ӯйдаман. Чунки ӯзбек ва тожикнинг тақдири шу қадар чирмашиб кетганки, бу икки миллатни бир-биридан ажратиш мутлақо тасаввурга сиғмайдиган иш.

Афсуски, бугун орамизда ташқи кучларнинг “ҳайбаракаллалари”га алданиб қолаётганлар йӯқ эмас, бор. Улар ӯзбекни тожикдан, тожикни ӯзбекдан ажратиб юборишга уриниш билан чекланиб қолмасдан, бир-бирига душман қилиб камол топтиришга ҳам уринишмоқда. Буни эътиборга олиб, кимларнингдир алдовларига учиб, кимларнингдир йӯриғига юриб, ӯртамизда қарор топган азалий дӯстлигимизга путур етказиб қӯймайлик!

Мени миллатчиликда айблаётган, месенжер орқали нафратомуз сӯзлар ёзаётган тожик биродарларимга мавриди келганда айни пайтда ӯзбек ва тожик халқлари ӯртасида кӯприк вазифасини ӯтаётган, икки халқни бир-бирининг шеърияти, адабиёти билан баҳоли-қудрат яқиндан таништириб келаётган тожикистонлик таниқли ӯзбек шоири Ҳасанбой Ғойибнинг ушбу шеърини ӯқиб бергим келди.

Икки эл пайванди – банди гӯзалдир,
Ширу шакар тили – қанди гӯзалдир.
Жомий Навоийдек улуғ зотларнинг
Доно маслаҳати – панди гӯзалдир.

Бир-биримизни авайлайлик, қадрдонлар!

Рўзибой Азимий

Бўлишинг:

Муҳаррир танлови

Ҳукумат талабларимизни бажармагунча гаровдаги аскарлар қўйиб юборилмайди

«Ҳукумат бизнинг талабларни бажармади, демак, биз бу ердаги аскарларни қўйиб юбормаймиз»,- деди Алмазбек Атамбаевнинг маслаҳатчиси Фарид Ниязов. Унинг журналистларга берган ...

Тошкентда совуқ сув нархи яна ошади

Тошкент шаҳрида 24 августдан бошлаб совуқ сув ва оқова сув (канализация) нархи оширилади. Бу ҳақда “Сувсоз” ДУК хабар қилмоқда. Янги нархга кўра бир куб метр совуқ сув 310 ...

Энди ўзбекистонда яйловлардан фойдаланганлик учун ҳақ ундирилади

«Яйловлар тўғрисида»ги Ўзбекистон Республикаси Қонуни Президент томонидан имзоланди, деб хабар берди ЎзА. Қонунга мувофиқ, яйловлар чорва моллари учун озуқа бўлган ...