Қозоғистон президенти Қосим-Жўмарт Тўқаев мамлакатдаги воқеаларни “тажовуз” деб атади ва КХШТдан ёрдам сўради.
Унга кўра, террорчилар Олмаота ва бошқа шаҳарларга бостириб кириб, инфратузилмани эгаллаб олишмоқда. “Улар ўқув юртларининг курсантлари билан курашмоқда. Ҳозир Олмаота яқинида Қозоғистон Республикаси Мудофаа вазирлиги десантчилари билан жанг кетмоқда. Шиддатли кураш бормоқда ”, деди у.