Қирғизистонлик Викрам Рузахунов қамоқдан озод этилди

Қирғизистонлик Викрам Рузахунов қамоқдан озод этилди

Қирғизистонлик мусиқачи Викрам Рузахунов озодликка чиқди. Маълумотни 10-январь куни “Қирғизистон Миллий хавфсизлик давлат қўмитаси матбуот хизматини тасдиқлади.

У бугун, 10-январ куни Қирғизистонга олиб келинади.

 

Аввалроқ Қозоғистон ОАВлари Қирғизистондан митингда қатнашиш учун учиб келганини айтган фуқаронинг видеосини эълон қилган эди. Бунинг учун номаълум шахслар унга 90 минг тенге ваъда қилишган. Кейинроқ қўлга олинган шахс таниқли мусиқачи Викрам Рузахунов эканлиги маълум бўлди.

 

Қирғизистон Ички ишлар вазирлиги Рузахуновнинг яқинларига таяниб, Рузахунов янги йил арафасида Олмаотада концерт беришга таклиф қилинганини маълум қилди. У 16-декабрь куни Қозоғистонга чипта сотиб олиб, 2-январь куни соат 20:00 да Олмаотага учиб кетган. Мусиқачини онаси Қундузхон Рузахунова ва жияни, Бишкекдаги «EPAMда»  дастурида ишлаган Аскат Сериков кузатиб қўйишган.

Қозоғистоннинг Қирғизистондаги элчихонаси яқинида Рузахуновни қўллаб-қувватловчи митинг ҳам бўлиб ўтди. У ерда унинг ҳамкасблари, дўстлари ва бошқа бефарқ фуқаролар йиғилган.

 

Намойишчилар Қозоғистон ҳукуматидан манипуляция ва сиёсий интеграцияни бас қилишни, шунингдек, қирғиз халқини мамлакат ички ишларига аралаштирмасликни талаб қилишди.

Намойишчилар олдида Миллий хавфсизлик давлат қўмитаси раиси Ташиев сўзга чиқди. Унинг сўзларига кўра, Қозоғистон расмийлари Рузахуновнинг ҳибсга олингани ҳақида маълумот бермаган.

“Олмаотада фуқаромиз Викрам Рузахунов қўлга олингани ҳақида хабарлар тарқади. Унинг сўзларига кўра, у тартибсизликларнинг фаол иштирокчиларидан бири бўлган. Бироқ, биз масъулият билан у бизнинг расмийлар томонидан террорчи эмаслигини эълон қиламиз. У оддий фуқаро, мусиқачи. Эрталаб текширилди, у ҳеч қачон ғалаёнда қатнашмаган. Қозоғистон давлат каналлари орқали тарқатилаётган маълумотлар нотўғри, деб ҳисоблаймиз”, — деди у.

Қирғизистон президенти маъмурияти ҳам вазиятга изоҳ бериб, қирғиз мусиқачиси Рузахуновни бузғунчи унсур сифатида кўрсатаётганидан хориж нашрлари хавотирда эканини билдирди.

Бўлишинг:

Муҳаррир танлови

Amnesty international тошкентни нукусдаги воқеаларни холис тергов қилишга чақирди

Халқаро Amnesty International инсон ҳуқуқлари ташкилоти Ўзбекистон ҳукуматини Нукусдаги воқеаларни чуқур, холис ва мустақил тергов қилишга чақирди. Бу ҳақда ташкилотнинг ...

Сердар бердимуҳамедов қадр кечаси шарафига 500 га яқин одамни афв этди

Туркманистон президенти Сердар Бердимуҳамедов 27-апрелда 514 нафар маҳкумни афв этди. Бу афв Қадр кечаси шарафига қилинганини «Ortak Turkmen» нашри ёзди. Бу ҳақдаги фармон ...

Қозоғистонда рўмол ўраган ўқувчи қизлар иккинчи йилга қолдирилиши мумкин (видео)

Қозоғистонинг Оқтобе вилояти таълим бошқармаси 13 март куни баёнот бериб, рўмол ўраб келиш тақиқлангани боис дарс қолдирган ўқувчи қизлар иккинчи йилга қолдирилиши ...