Олмаотадаги пиццерияни формали одамлар ўғирлагани акс этган видео муҳокама қилинмоқда. Шаҳардаги тартибсизликлар пайтида бу объект ҳам ўқдан жабрланган эди.
Пиццерия раҳбарининг сўзларига кўра, ҳарбий кийимдаги одамлар кечаси уяли телефон чироқларини ёқиб, музлатгичдан озиқ-овқат олиб кетишган. Улар шунингдек нақд пулларни ҳам олишга муваффақ бўлишган.
“4-январда охирги куни биз кечгача ишладик. 5-январга ўтар кечаси майдонда ўқ узилди, граната портлади, тартибсизлик юзага келди. 7-8 январь кунлари ишга боролмадик. 9 январь куни биз пицерияга келдик ва у вайрон бўлганини кўрдик. Видеокамерага қарайдиган бўлсак, 7-январь куни отишма ва ҳужум бўлган”, — деди ресторан вакили.