Америкалик жарроҳлар тарихда биринчи марта инсонга чўчқа юрагини трансплантациясини амалга оширди. Мериленд университети тиббиёт маркази маълумотларига кўра, инсон танаси ҳайвоннинг юрагини ўгайлагани йўқ.
Шифокорларнинг фикрича, бу Девид Беннет исмли беморнинг ҳаётини сақлаб қолишнинг ягона йўли бўлган.
Бунинг учун чўчқанинг юрагидаги баъзи генлар олиб ташланди ва бироз ўзгартирилди.
7-январдаги операция жарроҳлар томонидан кўп йиллик изланишлардан сўнг амалга оширилди. Уларнинг фикрича, агар у муваффақиятли бўлса, бутун дунё бўйлаб кўплаб одамларнинг ҳаётини сақлаб қолади.
OrganDonor.gov сайти маълумотларига кўра, Қўшма Штатларда орган трансплантациясига муҳтож 100 мингга яқин одам бор. Ҳар куни 17 нафар бемор донор органларнинг етишмаслигидан вафот этади.