АҚШ Афғонистонга 308 миллион долларлик гуманитар ёрдам ва 1 миллион дозада COVID-19 ваксинасини беради. Бу ҳақда АҚШ Миллий хавфсизлик кенгаши котиби Эмили Хорн баёнот берди.
“АҚШ Халқаро Тараққиёт Агентлиги (USAID) томонидан тақдим этилган ушбу янги инсонпарварлик ёрдами бевосита мустақил гуманитар ташкилотлар орқали юборилади. Бу афғонларнинг эҳтиёжларини қондириш учун қилинган қутқарув ҳаракатларидир. У ҳимоя ва бошпана, асосийси тиббий ёрдам, озиқ-овқат билан таъминлайди “, дейилади баёнотда.
Хорн, шунингдек, Қўшма Штатлари афғон халқини қўлидан келганча қўллаб-қувватлашда давом этишини таъкидлади.
АҚШ Афғонистонга ҳозиргача 4,3 миллион долларли ваксина, 2021-йилнинг октабридан буён эса 782 миллион доллар гуманитар ёрдам жўнатди.