Туркманистонда нархларнинг ошишига қарши бўлганлар митингга чиқишди

Туркманистоннинг Лебап вилояти Фарап тумани ҳокимияти биноси олдига йиғилган 200 га яқин одам озиқ-овқат нархини пасайтиришни талаб қилишди. Бу ҳақда Озодлик радиосининг туркман хизмати хабар бермоқда.

 

Журналистларга кўра, 1 январдан бошлаб дўконларда давлат томонидан етказиб бериладиган озиқ-овқат нархи 7-8 баробарга қимматлашган. Масалан, ҳозирда давлат дўконларида 3 манатлик пахта ёғи (0,8 доллар) 24 манатдан (6,8 доллар) сотилмоқда.

Намойишчилар нархлар ошганига қарамай, иш ҳақи кўтарилмаганини айтиб, ҳокимиятдан назоратни ўз зиммасига олишни талаб қилишди. Кейинроқ 15 га яқин қуролли ва ниқобли аскарлар етиб келиб, ҳокимиятни ўраб олишган.

Гувоҳларнинг айтишича, уларнинг ортидан келган полиция, агар аҳоли тарқалмаса, ўқ отиши билан таҳдид қилган. Кейин намойишчилар тарқалиб кетишган.

Туркманистон ҳукумати ўтган йил охиридан бери озиқ-овқат етказиб беришни қисқартириб, нархларни оширмоқда.

Қозоғистонда январь ойи бошида суюлтирилган газ ва озиқ-овқат нархининг ошиши билан боғлиқ вазият Марказий Осиёнинг бошқа давлатларини ҳам чора кўришга ундади. Қирғизистон ҳукумати суюлтирилган газ нархи барқарор қолишини эълон қилган, бироқ Ўзбекистон фаоллари ва блогерларига нархларнинг ошиши ҳақида гапиришни тақиқлади.

Бўлишинг:

Муҳаррир танлови

Навоийда тўрт киши газдан заҳарланди

Жорий йилнинг 28 октябрь куни тахминан соат 16:00 да Навоий вилояти «Навоийазот» АЖга қарашли ПВХ заводида номаълум куйдирувчи газдан ингаляцион заҳарланиш юз берган. Бу ...

Ўзбекистонда 9 ой мобайнида инфляция 9,7 фоизни ташкил қилди

Ўзбекистонда 2019 йилнинг тўққиз ойи давомида истеъмол бозорида товарлар 9,7 фоизга қимматлашди, дея хабар беради Ўзбекистон Республикаси Давлат статистика қўмитаси. «2019 ...

Ўзбекистонда wi-fi тармоғидан фойдаланувчининг шахсини тасдиқлаш мажбурий бўлди

Фойдаланувчи ўз шахсини мобил телефон рақамлари орқали ёки шахсни тасдиқловчи ҳужжатдаги маълумотлар (чипта, меҳмонхонадан рўйхатдан ўтиш маълумотлари) орқали тасдиқлаши ...