Афғонистонда ўзбек толибонлар митинга чиқишиб, пуштун толибонларни қуролсизлантирди

Афғонистон шимолидаги Фарёб вилояти марказига юзлаб ўзбек толибонлари уларнинг қўмондони ва маҳаллий полиция бошлиғи Маҳдом Аълам ишдан бўшатилиши ортидан намойишга чиқди.

Бу ҳақда The National нашри хабар берди.

Хабар қилинишича, Маҳдом Аълам Мозори Шарифда (Шимолий Балх вилояти) уч аёлни ўғирлаганликда айбланиб, Афғонистон Мудофаа вазири ўринбосари томонидан ишдан бўшатилиб, ҳибсга олинган. Шунингдек Ўзбек толиблари қўмондонини миллати ўзбек бўлгани учун ишдан бўшатилганини айтишмоқда.

The National газетасининг ёзишича, намойишчилар Аъламни озод қилишни талаб қилмоқда. Намойиш чоғида улар вилоят губернаторлик биносини ўраб олишди ва бир неча пуштун толибларини қуролсизлантиришди.

Афғонистоннинг Толибон ҳукуматидаги бош вазирнинг иккинчи ўринбосари бўлган ўзбек миллатига мансуб Абдул Салам Ҳанафий Твиттерда Фарёбдаги намойишчилар билан гаплашишга тайёрлигини билдирди.

“ Ҳукуматда ўзбек ва туркман вакилари  бўлишини таклиф қилишяпти. Улар шаҳар марказида чодир қуришди ва уларнинг талаблари бажарилмагунча намойиш давом этишини айтишмоқда”,  – деб ёзади нашриёт.

Афғонистондаги ҳукуматни босиб олган толибонларнинг асосий қисмини пуштунлар ташкил қилади. Афғонистондаги бошқа миллат вакиллари аввалроқ толибонни этник зулмда айблаган эди.

 

Бўлишинг:

Муҳаррир танлови

​​ депутатлар ҳукуматдан норози

Бугун парламент қуйи палатаси мажлисида депутатлар битта қонун бўйича ҳукуматга дашном бериб, кейинги ялпи мажлисда муҳокама қилиш учун кечиктирибди.   Биринчидан, гап ...

Шавкат мирзиёев президентлиги даврида қанча ҳокимни алмаштирди

Ўзбекистон Республикаси Президенти Шавкат Мирзиёев 2016 йилда президент этиб сайлангач, Ўзбекистоннинг 6 та вилоятида ҳокимлар алмашган. Бу ҳақда Turon24 нашри ёзмоқда. ...

Суперлига ўйинида ўзбекистон байроғи оёғости қилинди

Суперлига 1-туридан ўрин олган ва 10 март куни ўтказилган «Навбаҳор» - «Қўқон-1912» (1:1) ўйинидан кейин нохуш воқеалар юз берди, деб ёзади «Трибуна.уз» сайти. Намангандаги ...