Қозоғистон пойтахти Нур-Султонни аввалги номига қайтариш учун онлайн имзолар йиғилмоқда.
Мурожаатда “2019-йил март ойида Қозоғистон Президентининг фармони билан мамлакатимиз пойтахти Остона шаҳри Нур-Султон деб ўзгартирилди. Бу қарор ижтимоий тармоқларда ва аҳоли томонидан салбий қабул қилиниб, аввалги номи кундалик ҳаётда қўлланилмоқда. Жамиятдаги кайфиятни инобатга олиб, биз президент, ҳукумат ва парламентдан Остона шаҳри дея, собиқ номини республикамиз пойтахти сифатида қайтаришни сўраймиз”, – деб айтилади.
Мурожаат муаллифлари, шунингдек, маҳаллий ҳокимиятни “барча шаҳарлардаги Назарбоев номидаги кўчаларга давлатчилик, бирлик ва суверенитетни таъкидловчи нейтрал номлар беришга” чақирган.
Масалан, Олмаотадаги Назарбоев шоҳ кўчасини Республика проспекти деб аталиши кераклиги айтилади мурожаатда.