Швеция Россиянинг ҳаракатларига жавобан Готланд оролида хавфсизлик чораларини кучайтирди

Швециянинг Болтиқ денгизидаги Готланд оролида хавфсизлик чоралари кучайтирилди. Швеция Мудофаа вазирлиги маълумотларига кўра, бунга Россия ҳарбийларининг минтақадаги фаоллиги ошгани сабаб бўлган.

Жума кунидан бери оролнинг маъмурий маркази Висби шаҳрининг кўчалари ҳарбий хизматчилар томонидан қўриқланмоқда. France-Press агентлиги   кўчада ўнга яқин зирҳли техника ва ўнлаб аскарлар юрганини ёзди. Шунингдек, оролга қўшимча ҳарбийлар олиб келиниши хабар қилинмоқда.

Болтиқ денгизида Россиянинг ўнлаб йирик кемаларини пайдо бўлиши ва Украина юзасидан Москва ва НАТО ўртасидаги зиддият кучайганидан кейин бундай чоралар кўрилган.

“Қуролли кучлар Швеция яхлитлигини ҳимоя қилиш ва Швецияни ҳимоя қилиш имкониятига эга эканлигини кўрсатиш учун зарур чораларни кўради”, — деди Мудофаа вазири Питер Хултквист.

Швеция НАТО аъзоси бўлмаса-да, Шимолий Атлантика алянси билан бир қатор соҳаларда ҳамкорлик қилади. 2014-йилда Россия Қримни босиб олганидан кейин Швеция мудофаа тизимини мустаҳкамлай бошлади. Хусусан, у муддатли ҳарбий хизматни давом эттириб, Готландга ҳарбий гарнизон юборган эди. Орол Россиянинг Калининград вилоятидан тахминан 200 км узоқликда жойлашган.

Қўшни Финляндия сингари Швеция ҳукумати ҳам НАТОга аъзо бўлиш тўғрисида қарор қабул қилишини айтади, бироқ ҳозир ушбу масала кун тартибида эмас. Москва Швеция НАТОга аъзо бўлса “ёмон оқибатларга” олиб келиши билан таҳдид қилган.

Бўлишинг:

Муҳаррир танлови

Австралия ва нидерландия россияни судга берди

Австралия ва Нидерландия 2014-йилда Донецк вилоятида MH17 самолетининг ҳалокати юзасидан Россияни судга берди. Бу ҳақда Австралия ташқи ишлар вазири Марис Пэйн маълум қилди. ...

Дам емаган ош. тожикистонда чиқарилган “адабиёт” дарслиги ҳақида сўз

“Ўрта мактабларда Ўзбекистонда чоп этилган дарсликлардан фойдаланиш мумкин эмас, ўзимиз эса уддалаб чиқаролмаймиз, натижада, болалар “бир пулга қиммат” дарсликлардан ...

Қозоғистон жанубидаги ўзбекларга мамлакат шимолига кўчиб ўтиш таклиф қилинмоқда

Қозоғистон жанубидаги Туркистон вилоятида яшовчи этник ўзбекларга мамлакат шимолига кўчиб ўтиш таклиф қилинди. Ҳукмрон Nur Otan партияси вилоят бўлими раисининг биринчи ...