Қозоғистон чегарачилари ўқ теккан Ўзбекистон фуқаросини қўлга олди. Бу ҳақда Қозоғистон Миллий хавфсизлик қўмитаси матбуот хизмати хабар берди.
Қайд этилишича, аксилтеррор операциясида чегарачилар бошқа ҳуқуқни муҳофаза қилувчи идоралар билан биргаликда рейдлар ўтказиб, стратегик ва бошқа маъмурий обектларни қўриқламоқда.
У ўз фаолияти давомида тартибсизликлар ва талончиликка алоқадорлик, шунингдек, суддан қочишга уриниш, жумладан, Қозоғистондан чиқиб кетишга уринишда гумонланиб кўпгина одамлар ҳибсга олинмоқда.
Мазкур ҳолат “Ипак йўли” назорат-ўтказиш пунктида (Туркистон вилояти) қайд этилган. Ўзбекистонга қочишга уринган 29 ёшли Ўзбекистон фуқароси қўлга олинди, дейилади хабарларда.
Қўлга олинган шахснинг қўл телефонида Чимкентдаги тартибсизликлар акс этган видеолар бўлган. Елкасида ўқ яраси бор (тахминан резина ўқ). Қўлга олинган шахс Сариағаш туман ИИБга топширилди.