Назарбоев норозилик намойишлари атайлаб уюштирилганини айтди ва Тўқаев билан келишмовчиликни инкор этди

Қозоғистоннинг биринчи президенти Нурсултон Назарбоев январь ойи бошида бошланган тартибсизликлар тўғрисида мурожаат қилди. Унинг видеомурожаати 18-январь куни Президент матбуот хизматининг YouTubeдаги каналида эълон қилинган.

Назарбоев сўнгги воқеани “қасддан уюштирилган тартибсизликлар ва ҳужумлар” деб атаб, бу мамлакат яхлитлигига путур етказади, деди.

“Бу фожиа барчамиз учун сабоқ бўлди. Талончилик ва қотилликларни ким уюштирганини аниқлаш керак. Тергов жавобини топади”, — деди Назарбоев ҳалок бўлганларнинг оила аъзоларига ҳамдардлик билдириб.

У амалдаги президент Қосим-Жўмарт Тўқаев билан келишмовчиликни рад этди.

“Менга қилинган кўплаб мурожаатлар ва ОАВ хабарларига жавобан шуни маълум қилмоқчиманки, мен 2019 йилда ҳокимиятни президент Қосим-Жўмарт Тўқаевга топширганимни эълон қилганман. Ўшандан бери мен нафақага чиқдим, ҳозир Қозоғистон пойтахтида дам олаяпман ва ҳеч қаерга кетганим йўқ. Президент Қосим-Жўмарт Тўқаев тўлиқ ваколатга эга. У Хавфсизлик Кенгашининг ҳам раиси ҳисобланади. Президент тез орада “Нур Отан” партияси раиси этиб сайланади. Шунинг учун элита ичида кескинлик ва қарама-қаршилик йўқ. Бу ҳақдаги миш-мишлар асоссиз”.

Собиқ президент   ҳам янги сиёсий дастурлар эълон қилинишини олқишлаб, кенг жамоатчиликни уни қўллаб-қувватлашга чақирди.

Қозоғистонда норозилик намойишлари 2 январь куни Манғистау вилояти ва Жанаўзен шаҳрида суюлтирилган газ нархини пасайтириш талаби билан бошланган эди. Кейинроқ сиёсий тус олиб, митинглар ортидан Олмаотадаги тартибсизликлар билан давом этди.

Тўполонларда жами 225 киши ҳалок бўлган. 10 мингга яқин одам ҳибсга олингани, 700 га яқин жиноий иш очилгани хабар қилинган.

Бўлишинг:

Муҳаррир танлови

Шавкат мирзиёевнинг душанбега ташрифи кутилмоқда

6 январь куни Тошкент вилояти халқ депутатлари кенгаши сессиясида нутқ сўзлаган президент Тожикистонга расмий сафар қилиш учун тайёргарлик кўраётганини маълум қилди. Ташриф ...

Элёр ғаниев бош вазир ўринбосари лавозимига тайинланди

Ўзбекистон Республикаси Президенти маслаҳатчиси ўринбосари Элёр Ғаниев бош вазир ўринбосари лавозимига қайтди. Бу ҳақда «UzNews.uz» нашри ҳукуматдаги манбаларига асосланиб ...

Хитой фабрикаларини қурмаслик талаби билан қозоғистонда намойиш ўтказилди

Ўтган душанба куни Жанаозен шаҳар ҳокимлиги биноси олдида юзга яқин одам тўпланди. Йиғилганлар мамлакатда Хитой фабрикаларини қурмаслик талаби билан чиқишди.  Қозоғистонда ...