Бошқа мавзуларАҚШ президенти Жо Байден Россия Украинага “ҳужум қилиши” мумкинлигидан огоҳлантириб, бироқ Владимир Путин ҳарбий зарба берса унинг оқибати Москва учун иқтисодий зарарлар олиб келишини тушуниб, ўшанга риоя қилиб турганини маълум қилди. Байден бу ҳақда 19 январь куни инаугурация қилинганига бир йил тўлиши муносабати билан ўтказилган матбуот анжуманида айтиб ўтди.
Байден агар Украинага бостириб кирса “Россия учун катта фалокат” бўлишини қўшимча қилди:
“Бизнинг ҳамкорларимиз Россия ва Россия иқтисодиётига катта зарар етказадиган ва катта зарба берадиган қадамларни қўйишга тайёр”, — деди у. Шу билан бирга Байденнинг қўшимча қилишича, Путин “тўлиқ миқёсдаги урушни истамайди” фақат вазиятни кескинлаштириш йўлларини қидирмоқда.
19 январь куни АҚШ Давлат котиби Энтони Блинкен Киевда Украина президенти Владимир Зеленский билан учрашди.
АҚШ, Британия, Канада, Франция ва Германия каби 30 га яқин аъзони ўз ичига олган НАТОга Украинани қўшиш масаласи ўтган ёзда кўриб чиқилган. Шундан кейин Россия Украина чегарасига 100 мингга яқин аскарини олиб келиб, бунга қаршилик қилган. Қўшма Штатлар ва бошқа Ғарб давлатлари Москвани “ҳужумга тайёрланаётганликда” айблаган.
