Бошқа мавзуларҚирғизистон Ташқи ишлар вазирлиги Қозоғистон консулига Олмаотада Қирғизистон фуқаросининг калтакланиши юзасидан нота топширди. Бу ҳақда Қирғизистон Ташқи ишлар вазирлиги матбуот хизмати хабар бермоқда.
Бугун, 21-январь куни Қозоғистоннинг Қирғизистондаги элчихонаси консули Ташқи ишлар вазирлигига чақирилди.
Учрашув чоғида Қирғизистон фуқароси Сидиқовнинг калтакланиши юзасидан нота берилди, унда Қозоғистоннинг айрим ҳуқуқ-тартибот идоралари томонидан ушбу фуқарога нисбатан ноқонуний ҳаракатларни қўллаш орқали соғлиғига жиддий зарар етказилган хатти-ҳаракатларидан хавотир билдирилди.
Бундан ташқари, воқеанинг барча ҳолатларига аниқлик киритиш, С.Сидиқовнинг соғлиғига жиддий зарар етказганлик учун айбдор барча мансабдор шахсларни жавобгарликка тортиш ва товон тўлаш бўйича ҳар томонлама ва холисона тергов ўтказиш зарурлигига эътибор қаратилди.
