Бугун, 27-январ куни соат 17:00 дан 18:30 гача Тожикистон чегарачилари Боткен туманидаги Боткен-Исфана йўлининг Тўрт-кўча қисмини тўсиб қўйишди. Соат 19:30 да қирғиз-тожик чегарасида вазият кескинлашди. Бу ҳақда Қирғизистон чегара хизмати хабар бермоқда.
Чегара хизматининг Боткен вилояти бошқармаси бошлиғи Қиялбек Тўлонбоев ва Боткен чегара отряди командири Рустам Миршокиров музокаралар олиб боришмоқда.
Бироқ соат 19:35 атрофида Тожикистон томони Боткен вилоятининг Чир-Дўбў ҳудудида ўт очгани вазиятни янада оғирлаштирди. Қирғизистон ва Тожикистон Тўрт-Кўча ва Чир-Дўбў ҳудудларида жанг қилмоқда, тожик томони миномёт ва гранаталардан фойдаланаётгани айтилмоқда.