Айни пайтда Қирғизистоннинг Боткен туманидаги Боткен-Исфана йўлининг Тўрт-Кўча қисмига чегарадош Уч-Тепа, Ўрта-Бўз, Оқ-Татир, Оқ-Сой, Самарқанддек қишлоқлари аҳолиси Равот қишлоғига эвакуация қилинмоқда. Бу ҳақда Равот қишлоҳи раҳбари Бақит Турдуев маълум қилди.
Маълумотларга кўра, айни пайтда ушбу қишлоқлардан 7-8 оила Равот қишлоғига олиб келинган.
Қирғизистон чегара хизматининг маълумотларига кўра, Боткен туманининг Уч-Тепа ҳудудида отишма давом этмоқда.
Соат 17:00 дан 18:30 гача Тожикистон фуқаролари Боткен туманидаги Боткен-Исфана йўлининг Тўрт-кўча қисмини тўсиб қўйишди. Чегара хизматининг Боткен вилояти бошқармаси бошлиғи Қиялбек Тўлўнбаев ва Боткен чегара отряди командири Рустам Миршокиров вилоятга келиб музокаралар ўтказишган. Сўнгра соат 19:30 да Тўрт кўча йўли қайта очилган.
Бироқ соат 19:35 атрофида Тожик томони Боткен вилоятининг Уч-Тепа ҳудудидан ўт очганидан сўнг вазият кескинлашган. Тўрт-Кўча ва Уч-Тепа ҳудудларида, Қирғизистон ва Тожикистон чегарачилари отишиб, тожикистонликлар миномёт ва гранаталардан фойдаланганини қирғиз чегарачилари маълум қилмоқда.