Афғонистонда университетлар қайта очилди

Афғонистон олий таълим вазири Абдул Боқий Ҳаққоний Афғонистон университетларида дарслар бошланишини маълум қилди. Бу ҳақда “ТАСС” агентлиги ёзмоқда.

Қайд этилишича, иссиқ минтақалардаги талабаларга 2022-йилнинг 2-февралидан, совуқ минтақадаги талабаларга эса 26-февралдан бошлаб дарсга қайтишга рухсат берилади. Янги семестр олдидан ҳар бир университетда мусобақалар ўтказилади. Бироқ, қизларнинг дарсларга киришига рухсат бериладими ёки йўқми, ҳозирча номаълум.

Эслатиб ўтамиз, Афғонистондаги университет ва мактабларда дарслар 2021-йилнинг август ойи охирида толиблар мамлакатда ҳокимиятни қўлга киритгач, тўхтаб қолган эди. Бошланғич синфлар сентабрь ойининг ўрталарида очилган, бироқ фақат ўғил болалар ва эркак ўқитувчилар дарсларга қатнашиши мумкин эди. Толибон қизларга ўқишга рухсат берилишини, бироқ бунинг учун мактабларда алоҳида дарслар ўтказилиши кераклигини айтишган.

Толибон 15 август куни Афғонистонда ҳокимиятини қўлга олди. Ҳукуматнинг катта қисми ва олий давлат аппарати мамлакатни тарк этди. Ҳаракат вакиллари халқаро ҳамжамиятни барча манфаатдор томонлар билан тинч ва конструктив муносабатларни сақлаб қолиш ниятида эканликларига ишонтиришган.

Бўлишинг:

Муҳаррир танлови

Ўзбекистонда ягона мактаб формасининг жорий этилиши юзасидан халқ таълими вазирлиги ва дин ишлари бўйича қўмитасининг фикри

Ўзбекистонда ягона мактаб формасини жорий этилиши юзасидан ижтимоий тармоқларда айрим фуқаролар томонидан юзага келган мунозаралар, хусусан диний либослар (ҳижоб ва б.қа) ...

Мичиган университети профессори: “чўлпон ёзган ўзбек тилига қайтиш лозим”

Мичиган университети профессори Темур Хўжаўғли Minbar билан суҳбатда ўзбек жамияти, хусусан, адабиёти, маданияти ва илм-фан соҳасига ташхис қўйди, лотин алифбосини ислоҳ ...

Боғча мудираси ойдан тушганми?

Бугун Маҳмуджоннинг онаси шахсий саҳифасида пост қолдирган экан. Гўёки ота-оналар келишиб, "Хайр боғча" тадбирига 100 минг сўмдан пул йиғилаётгани, бунинг ичига боғчага ...