Бошқа мавзуларЭронда юзлаб ўқитувчилар норозилик акциясига чиқиб, ойлик-маошини ўз вақтида тўланишини, пенсия масаласини ҳал этилишини ва ҳибсдаги ҳамкасбларини озод қилинишини талаб қилишди.
31-январь куни ўқитувчилар Теҳрондаги парламент биноси ва бошқа шаҳарлардаги таълим бўлимлари олдида норозилик намойиши ўтказди. Аввалроқ улар икки кун мактабда ишламай норозилик акциясини ўтказган эди.
Ўтган ойда Эрон парламенти бир неча кун давом этган норозилик намойишларидан сўнг ўқитувчиларнинг маошларини оширишга рози бўлган эди.
Сўнгги ҳафталарда маърифатпарварлар бир неча бор митинг ўтказдилар. Хавфсизлик кучлари айрим намойишчиларни ҳибсга олди. 31-январдаги намойишда ҳам камида беш киши ҳибсга олинган. АҚШ санкциялари туфайли Эрондаги инфляция мисли кўрилмаган даражада кўтарилди.
Эрондаги инсон ҳуқуқларини сақланишини назорат қилаётган Нью-Йоркда жойлашган марказ ўтган ойда маълум қилганидек, Теҳрон ўқитувчилар ҳуқуқлари учун курашаётган ўнлаб фаолларни “сохта айбловлар” билан қамоққа ташлаган.
