Ўзбекистон Афғонистонга яна электр энергиясини экспорт қилишни бошлади

Ўзбекистондан Афғонистонга электр энергиясини етказиб беришни қайта тиклади. Бу ҳақда   Энергетика вазирлиги матбуот хизмати хабар бермоқда.

25 январь куни Марказий Осиё электр тизимидаги йирик авария рўй бергани туфайли Ўзбекистон Афғонистонга етказиб берадиган электр энергияси узилиб қолгани маълум бўлган.

«Ҳудудий электр тармоқлари» АЖ нинг хабарига кўра, «экспорт ва импорт амалиётлари имзоланган шартномаларга мувофиқ, блэкаут оқибатлари бартараф этилганидан кейиноқ кунлик режа меъёрида тикланган».

Январь бошида «Ўзбекистон миллий электр тармоқлари» ва DABS Тошкентда 2022 йилда Афғонистонга 2 млрд кВт⋅с электр энергияси етказиб беришни кўзда тутган битимни имзолаган. Шартноманинг умумий қиймати 100 млн долларни ташкил этади.

Маълумки, 25 январь куни Тошкент шаҳри ва Ўзбекистоннинг бошқа кўплаб вилоятларида электр таъминотида катта узилиш юз берди, бунинг натижасида метро, светофорлар, шунингдек, дўкон ва муассасалар фаолияти тўхтатилди.

Ўзбекистонда 25 январь куни бошланган энергоинқироз ортидан электр энергия, ичимлик суви ва иссиқ сув ҳамда газ таъминотидаги узилишлар 28 январь кунига келиб тўлиқ қайта тикланган. Мамлакатда ёқилғи ва нон нархи кескин қимматлаган.

 

Бўлишинг:

Муҳаррир танлови

Ўзбекистонни асосан эркаклар тарк этмоқда

Ўзбекистонни 2018 йилда асосан эркаклар тарк этгани маълум бўлди. Бу ҳақда Давлат статистика қўмитасининг ҳисоботижда маълум қилинган.  Ҳисоботда қайд этилишича 2018 йилда ...

Биткоин. криптовалюталар доллардан ҳам қудратлими?

Биткоин криптовалютаси нима ўзи ва у қандай вужудга келган? У қайси давлат ёки ташкилот томонидан бошқарилади? Унда тўловлар қандай амалга оширилади? Нима учун унинг қиймати ...

«ўзбектелеком» қирғизистон орқали ўтувчи янги интернет канални ишга туширди

Қувасой (Фарғона вилояти) – Қизил-Қия (Баткен вилояти) ҳудудида «Ўзбектелеком» АК ва «ЭлКат» МЧЖ (Қирғизистон Республикаси) телекоммуникация тармоқларини ўзаро боғлайдиган ...