Бошқа мавзуларТолдиқўрғон шаҳрида яшовчи 37 ёшли, беш фарзанднинг отаси Азамат Батирбаев митингда иштирок этганидан сўнг шафқатсизларча қийноққа солинди, деб хабар беради “Ulysmedia.kz” сайти.
Қатор манбаларга кўра, Азамат бошқа намойишчилар билан бирга 5 январь куни Толдиқўрғондаги Нурсултон Назарбоев ҳайкалини вайрон қилишда иштирок этган.
Бу инсон ҳибсга олинганидан кейин ҳуқуқ ҳимоячилари томонидан калтакланган ва қийноққа солингани айтилади. Азамат Батирбаевнинг танасига кизитилган дазмол босилган.
Адвокат Бауржан Азановнинг сўзларига кўра, Азамат тергов изоляторида бир ҳафтадан ортиқ сақланмоқда. Унинг тақдири нима бўлиши ҳозирча номаълум.
Эслатиб ўтамиз, 29 январь куни Қозоғистон Президенти Қ.Тўқаев “Хабар” телеканалига берган интервьюсида январь воқеаларидан кейин ИИВ томонидан ҳибсга олинганларнинг қийноқларга солингани ҳақидаги саволга жавоб берган эди. Шу билан бирга, президент ортиқча суиистеъмолликлар ҳақида гапириб, фуқароларнинг ҳуқуқлари бузилмаслигини айтган эди.
“Ҳаддан ташқари муболаға ишлар бор. Безориларни ҳам, айбдорларни ҳам топиш керак. Мен полициянинг ҳаракатини оқламайман. Сизни ишонтириб айтаманки, фуқароларнинг ҳуқуқлари бузилмайди”, деди Қ.Тўқаев.
Аввалроқ адвокат Абзал Куспан ҳуқуқ-тартибот идоралари ходимлари томонидан бўлаётган қийноқлар бўйича 12 та жиноий иш қўзғатилгани ҳақида хабар берган эди.
