Бошқа мавзуларБокс бўйича собиқ чемпион Владимир Кличко Киев мудофаа бригадасига захирадаги аскар сифатида рўйхатга турди. У ҳозирги шароитда ватанни ҳимоя қилиш бурчи эканлигини айтди.
“Мамлакатим геосиёсий қийинчиликларга дуч келаётганини кўриб, бу ерга келмасдан иложим йўқ эди. Шунинг учун мен шаҳар ва мамлакат мудофаа бригадасига қўшилдим ”, деди Кличко 2-февраль куни.
Владимирнинг акаси, Киев мэри Виталий Кличко ҳам уни қўллаб-қувватлаб, шундай бўлса ҳам Россия ва Украина ўртасидаги инқирозни дипломатик йўл билан ҳал қилиш мақсадга мувофиқ бўлишини айтди.
Россия Украина билан чегарасида 100 000 дан ортиқ аскар ва техникани тўплаётган бир пайтда, Москва қўшни давлатга ҳужум қилишни режалаштирмоқда, деган хавотирлар кучаймоқда. Кремл Украинага бостириб кириш ниятидалиги ҳақидаги айбловларни рад этади, бироқ қўшинларини олиб чиқиш учун Ғарбдан “хавфсизлик кафолати”ни талаб қилмоқда.
Москва “Украина НАТОга қўшилмайди, Россия чегараси яқинида ҳарбий тизимлар ўрнатилмайди, блок кучлари Шарқий Европадан узоқлаштирилади” деган шартларни қўйган.
