Грециянинг собиқ президенти Христос Сартзетакис 92 ёшида вафот этди, деб хабар беради “РИА Новости”.
Христос Сартзетакис 1985 йилдан 1990 йилгача Грецияни бошқарган.
Собиқ президент нафас олиш тизимидаги муаммолар туфайли ўтган йилнинг декабрь ойидан бери шифохонада ётган эди.
Эслатиб ўтамиз, Сартзетакис асли юрист бўлиб,1963 йилда ҳокимиятга алоқадор бўлган депутат Григорис Ламбракиснинг ўлими бўйича терговда иштирок этганида машҳур бўлган эди. Сиёсий босимга қарамай, тергов юргизган.
Бундан ташқари, Сартзетакис 1967-1974 йилларда икки марта таъқибга учраган ва ҳибсга олинган.