Туркиянинг Ўзбекистондаги элчихонаси йўловчиларни огоҳлантирди

 

 элчихона Туркиянинг Ўзбекистондаги элчихонаси Туркияга сафар қиладиган йўловчиларни огоҳлантирди. Элчихонанинг бу ҳақдаги пресс-релизи 29 апрель, сешанба куни Kun.uz.  таҳририятига келиб тушганлиги айтилмоқда.

«Расмий Газета»нинг 2014 йил 27 апрель кунги сонида эълон қилинган Туркия Республикаси Вазирлар маҳкамасининг 2014/6281 сонли қарорига биноан виза, визасиз тартиб ёки яшаш учун берилган рухсатнома муддати тугаган кундан эътиборан амал қилиш муддати тугашига камида 60 кун қолган паспорт ёки паспорт ўрнига ўтадиган ҳужжати бўлмаган фуқароларнинг 2014 йилнинг 31 декабрь кунига кадар Туркия ҳудудига киришларига рухсат берилади», – дейилади элчихона хабарида.

Эслатиб ўтамиз, аввалроқ «Ўзбекистон ҳаво йўллари» миллий авиакомпанияси «агар Ўзбекистон Республикаси фуқаролари паспортининг амал қилиш муддати тугашига 90 кундан кам вақт қолган бўлса, улар Туркия ҳудудига учиб кета олмасликлари» ҳақида  огоҳлантирганди.

Яна маълумот учун: Ўзбекистон фуқаролари 2014 йил 1 июлдан бошлаб хорижга фақат биометрик паспорт билан чиқишлари мумкин бўлади. Бу Вазирлар Маҳкамасининг 6 февралда имзоланган, “Ўзбекистон Республикаси фуқароларининг хорижга чиқиш тартибини такомиллаштириш чора-тадбирлари тўғрисида”ги қарорида белгиланган.

Мулкдор   хабар   маркази

Бўлишинг:

Муҳаррир танлови

Астанада ўзбеклар toyota учун ўз фарзандини сотмоқчи

Қозоғистон пойтахти Остона шаҳрида ўзларининг янги туғилган фарзандларини Toyota Camry автомобилига алмаштиришга уринган эр-хотин қўлга олинди. Бу ҳақда NewTimes.kz хабар ...

Нафақадаги аёлни автобусдан ҳайдаган ҳайдовчи ва чиптачи жазога тортилди

«Тошшаҳартрансхизмат» ташкилоти жамоат транспорти билан боғлиқ можаро акс этган видеода акс этган ҳолат бўйича расмий маълумот берди, деб ёзади «UzNews.uz» сайти. ...

Когонда мактаб директорининг масъулиятсизлиги оқибатида икки нафар мактаб ўқувчиси вафот этди

Когон туманидаги умумтаълим мактабларидан бирининг директори Ботир Топилов (исм-фамилиялар ўзгартирилган) ва унинг ўринбосари Олим Шириновнинг масъулиятсизлиги ва ...