АҚШ ҳарбийлари Польшанинг Жешув шаҳрига етиб келди. Хабарларга кўра, улар мамлакатнинг жануби-шарқий қисмидаги Украина билан чегарадош ҳудудга жойлашмоқчи. Вашингтон яқинда Польшага 1700 аскар юборишини маълум қилган эди. Унга кўра, Америка қўшинлари Украинага киритилмайди. Бу фақат шарқда НАТО мудофаасини кучайтиради.
Эслатиб ўтамиз, Украинадаги вазият кескинлашгани сабабли АҚШ Европага 3 минг аскар ва зобит жўнатишга қарор қилган эди. Уларнинг бир қисми Польшада, қолганлари Руминия ва Германияга жойлашади.