Бошқа мавзуларОлимлар иқлимнинг ўзгариши Эверест чўққисидаги музликларни эритиб бораётганини аниқлашди. Бу ҳақда «Би-Би-Си» ахборот агентлиги ёзмоқда.
Тадқиқот шуни кўрсатдики, 2000 йил аввалги музлик 1990 йилдан бери аста-секин емирилиб, ҳозир бутунлай йўқ бўлиб кетган.
Музликларнинг эриши ўтмишда кенг ўрганилган бўлса-да, иқлим ўзгариши дунёнинг энг баланд чўққиси бўлмиш Эверест музликларига таъсир этиши ҳисобга олинмаган. Шу муносабат билан 10 нафар олимлардан иборат экспедиция гуруҳи тепадаги музликларни ўрганиш учун иккита метеорологик станция ташкил этиб, 32 фут (тахминан 10 метр) муз ядросидан намуналар олишган.
Ҳимолой тоғларидаги музликлар миллионлаб одамларни сув билан таъминлайди ва минглаб гектарларни суғоради. Агар улар эриб кетса, дунёнинг учдан бир қисми қурғоқчиликдан қирилиб кетиши мумкин. Шу билан бирга, алпинистлар муаммоларга дуч келиб, бу эса келажакда экспедицияларни амалга оширишни қийинлаштиради.
Эслатиб ўтамиз, ўтган йили бир гуруҳ француз тадқиқотчилари дунёдаги музликлар тез эримоқда деган хулосага келишган.
