Бошқа мавзуларРоссия олтита ҳарбий кемаси машғулотларда қатнашиш учун Ўрта ер денгизидан Қора денгизга йўл олганини маълум қилди. Бу хабар Россиянинг Украинага бостириб кириши мумкинлиги ҳақидаги хавотирлар кучайган бир пайтда янгради.
8-февраль куни Россия Мудофаа вазирлиги кемалар Босфор бўғозидан “режалаштирилганидек” кесиб ўтганини маълум қилди. Туркия денгиз кучлари манбалари Россия кемалари мамлакат ҳудудидан 8-9 февраль кунлари сузиб ўтишини маълум қилди. Агар Москва қўшни давлатга ҳужум қилса, НАТОга аъзо Туркия Россия кемаларининг транзити учун Босфор бўғозини тўсиб қўйиш ҳуқуқига эга.
Россия ўз кучини бутун дунёга намойиш этиш учун бир қатор машғулотлар ўтказиб келади.
Ўтган ой Мудофаа вазирлиги машғулотларга 10 минг аскар, 140 ҳарбий кема жалб этилишини эълон қилган эди.
Россия Украинага бостириб кириш нияти йўқлигини ва ўз қўшинларини хоҳлаганча ўзгартиришга ҳақли эканини айтиб келмоқда. Айни дамда Украина билан чегара яқинидаги ҳудудда ўз қўшинларини олиб чиқиш учун Ғарбдан кафолат талаб қилмоқда.
