Бошқа мавзуларИталиянинг Пемонт вилоятида ҳам бир неча ҳафта давомида қор ва ёмғир ёғмай, мамлакатнинг энг йирик дарёси По дарёсига таъсир қилган.
Қурғоқчилик туфайли Турин минтақасидаги дарё қуриб, туби кўриниб қолган. Мутахассисларнинг таъкидлашича, об-ҳаво ёмғирсиз давом этса, қишлоқ хўжалиги зарар кўради, ўрмон ёнғинлари кўпайиши мумкин.
Эслатиб ўтамиз, узунлиги 652 километр бўлган По дарёси Альп тоғларидан бошланади.
Анжело Роберто, Атроф-муҳитни муҳофаза қилиш агентлиги директори:
– Қурғоқчилик бошланганига қарийб 50 кун бўлди. Ҳозирда По дарёсининг оқими секундига 160 куб метргача қисқарган. Бу жуда кам. Одатда, унинг тезлиги ўртача 360 кубометрни ташкил этди. Тоғларда ҳам унинг оқими камайган. Вазият фақат ёмғир ёғса, ўз ўрнига тушиши мумкин.
